حلت الفنانة وفاء مكي، ضيفة مع الإعلامية ياسمين عز ببرنامج " كلام الناس" والمذاع عبر قناة " إم بي سي مصر، عبرت ياسمين عز عن اعجابها بشكل ووزن وفاء مكي، قائلًا: "طول عمرك بطاية".

 

 

و قالت وفاء مكي خلال البرنامج: "عظمي عريض وجسمي كله تلال وهضاب"، لتعلق الإعلامية ياسمين عز، قائلة: "طول عمرك بطاية، دلوقتي بقينا نسميها كيرفي فيه ناس كانت بتحب الهيئة بتاعتك وليلى علوي الناس أزواق".

وقامت وفاء مكي بالرد على هذا المدح، قائلة: "أنا عندي الشاسيه عريض أنا من تحت مش مليانة زي من فوق والكاميرا بتخن شوية ".

 

 

سبب غياب وفاء مكي عن الساحة الفنية

 

تحدثت وفاء مكي، عن سبب غيابها عن الساحة الفنية، قائله: "علشان اشتغل لازم أجيب وقت، وأنا معنديش الوقت، لأني دائما مع ابني، وأحيانا اضطر أصحى الفجر وأنام ساعتين فقط من أجله".

وأضافت: "ابني مسئول مني مسئولية كاملة"، لافته: "شكله حلو شبهي وشعره مسبسب وجاله بطولة فيلم ورفضه".

والجدير بالذكر أن وفاء مكي كشفت عن أعلي أجر وصلت له، قالت: "جه وقت كنت باخد أعلى أجر وكان ساعتها 5000 جنيه وكنت دائمًا أعلى نسبة بيع وتوزيع في المجلات والجرائد وزمان مكنش فيه الأجور العالية والملايين اللي بتتاخد دلوقتي، ومع ذلك أنا معنديش ثروة من التسعينيات ومعملتش حاجة بالفلوس".

 

رغم غيابها هناك معجب مجهول 

 

أكدت وفاء مكي، أنها صنعت لها اسم بس ظروف الحياة صعبة، مضيفه: "ناس كبار طلبوا أسيب الفن وأتجوزهم وعرضوا عليا ملايين.. ولكن دا نصيب في النهاية  ولو رجع بيا الزمن هاخد الفلوس وأتجوز لأن فلوس الفن معملتش بيها حاجة وابني والده توفاه الله"

وتابعت وفاء مكي أن لديها معجب كل يوم ياتي لها أسفل البيت ومش مصري لافته إلى أنها أصبحت تخاف النزول بسببه، استكملت: "عملت اسم بس ظروف الحياة صعبة وعندي ابن محتاج فلوس ومش لسه حد هيكتشفني والأجر مش على قد المستوى واعتذرت عن فيلم مع محمد رمضان وأنا هنزل أشتغل وأتعب وأتفرغ ولازم الفلوس تكون تستاهل أضحي عشانها".