فن / الفجر

تامر أمين: مظلمتش شيرين عبد الوهاب.. وانتقادي لها "قرصة ودن"

  • 1/4
  • 2/4
  • 3/4
  • 4/4

تامر أمين: قرصت على شيرين عبد الوهاب زيادة بس مظلمتهاش ... ورفضت منصب مهم في الأمم المتحدة

قال الإعلامي تامر أمين، أنه أساء التعامل مع الفنانة شيرين عبد الوهاب، وذلك خلال استضافتة في برنامج "حبر سري"، الذي تقدمة الإعلامية أسما إبراهيم، على قناة "القاهرة والناس".

 

وأوضح تامر أمين أنه بالغ في ردة فعله تجاه شيرين عبد الوهاب، وقت تصريحاتها المثيرة للجدل أثناء بعض حفلاتها.

 

651634b676.jpg

 

وقال: "أعترف إني قرصت عليها شوية وقت انتقادي لها، بس حبا، لأن أنا من أكتر الناس المؤمنين بموهبة وصوت وإحساس شيرين، عشان كده كنت زعلان منها وعليها لما تخطيء الأخطاء الساذجة دي على المسرح".

 

تامر امين: أنا مظلمتش شيرين 

 

واستكمل حديثة قائلا: "مظلمتش شيرين، لكن قرصت، لأن عمري ما بظلم حد، لإني بنتقد رد فعل مش فعل".

 

3db4910b3d.jpg

 

ومن ناحية أخري، أكد أنه لم يضيع أي فرصة عمل، قائلا: "كان جاي لي عام 2012 منصب كويس في الأمم المتحدة، بس اعتذرت عنه عشان أنا بعشق حاجة الإعلام، وكرسي المذيع بالنسبة لي هو الغاية، فمعتقدش أنها فرصة وضاعت

 

وأضاف: "طبعا هي بالنسبة لناس كتير فرصة، وبالنسبة لي كانت هتبقى وضع مالي وسياسي مهم، لكن أنا مبسوط باللي أنا فيه".

 

b6ab85b4b6.jpg

 

وأشار تامر أمين إلى أنه يرفض كتابة أي شيء بالحبر السري، موضحا: "أكتر حاجة بكرهها في حياتي هي الحبر السري، لأن ده حاجة لا يجب أن الناس تعرفها، دي حاجة بتضايقني جدا، وأنا شغلتي إن أعرف الناس، وحق المعرفة لازم يوصل لكل الناس، فبأي حاجة بحبر معناها أنها لازم تتكتم وتستخبى وأنا ضدها

ملحوظة: مضمون هذا الخبر تم كتابته بواسطة الفجر ولا يعبر عن وجهة نظر منقول وانما تم نقله بمحتواه كما هو من الفجر ونحن غير مسئولين عن محتوى الخبر والعهدة علي المصدر السابق ذكرة.

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا