كشفت الفنانة غادة إبراهيم خلال تصريحات صحفية عن طقوسها في شهر رمضان، مؤكده على أنها تحرص على توزيع الطعام على المحتاجين باستمرار.

 

غادة إبراهيم: بستلف عشان أوزع شكاير رمضان

 

وقالت غادة إبراهيم: أنا جبت شكاير عشان أوزعها على المحتاجين في رمضان، وبعمل كدا كل رمضان ومقدرش أبطل حتى لو مش معايا فلوس، لأن عندي عائلات مسئولين مني ولما مش بيكون معايا فلوس زي كل البشر بستلف عشان أوزع وأجيب، وربنا بيرزقني بعدها وإحنا ربنا بيرزقنا عشان ندي للمحتاج ولما براضي حد بيجيلي فلوس ورزق وبيفرجها.

 

غادة إبراهيم: معنديش كبائر

 

وأوضحت غادة إبراهيم: لو ربنا افتكرني أي وقت هيحاسبي على الموبقات والذنوب؛ لأني معنديش كبائر ولا أشياء خجلانة منها وعندي ناس بيدعوا ليا، وعندي حاجات بتقعد لي ليوم الدين وعارفة إني سايبة رصيد لما أموت وفيه أشياء تشفع ليا.. ليلة النصف من شعبان كانت أمبارح وربنا لا يغفر للمشرك والمشاحن والمشاحن دا اللي بيتخانق ويتوعد بني آدم ويأذيه عمدًا ويشارك في أذاه.

 

غادة إبراهيم: لازم نبص للدنيا كأننا هنموت النهاردة

 

واختتمت غادة إبراهيم: لو أنا مظلومة من حد ومش قادرة اكلمه ولا أقوله سامحني دا مش مشاحن دا مظلوم، وأنا مش هقدر أسامح الناس اللي أذوني عشان ليلة النص من شعبان دا أنا مظلومة.. مع الأسف الناس أشتروا الدنيا بالأخرة ومبقاش حد بيبص للأخرة والشيطان متمكن منهم، ولكن ربنا كبير ورحيم وبيهدي المشركين والملحدين، ولازم نبص للدنيا كأننا هنموت النهاردة قبل بكرا ومينفعش نشتري الدنيا ونرمي الأخرة.

 

آخر أعمال الفنانة غادة إبراهيم

 

والجدير بالذكر أن آخر أعمال الفنانة غادة إبراهيم كان مشاركتها في مسرحية “ليلة اسكندرانى” مع وزارة الثقافة المصرية مع الفنان أحمد ماهر، بالإضافة إلى المسلسل الإذاعى “عروس النيل” على محطة إذاعة الشرق الأوسط والبرنامج العام الذي تم يثه رمضان 2021.

 

 

أبرز أفلام غادة إبراهيم

 

كما شاركت في العديد من الأفلام والمسلسلات، ومن الأفلام: طأطأ وريكا وكاظم بك عام 1995، قشر البندق عام 1995، علاقات مشبوهة عام 1996، حائط البطولات عام 1998، الإمبراطورة عام 1999، أسانسير خمس نجوم “فيلم تليفزيوني” عام 1999، بونو بونو عام 2000، فيلم يمين طلاق عام 2000، حبيبتي من تكون عام 2000، يوم ما اتقابلنا عام 2009، المائدة “فيلم روائي قصير” عام 2010، شارع محمد علي عام 2017.